Paloka: Në parlament ka kukulla që drejtohen nga Rama

Deputeti Edi Paloka në fjalën e tij përpara protestuesve deklaroi se sot Shqipëria nuk ka parlament.

Paloka tha se sot në Kuvend ka vetëm kukulla, që drejtohen nga Edi Rama.

“Edhe Enver Hoxha e nisi duke eliminuar opozitën. Më pas ju mori gjithçka, pronat, familjet, dinjitet dhe më pas i kooperativizoi. I mblodhi tufa që të punonin për bukën e gojës. A nuk është ky kriminel që nxjerr fëmijet në 4 të mëngjesit me gaz lotsjellës dhe më pas u prish shtëpitë.

A nuk është ky që vjedh kudo dhe më pas burgos shqiptarët për 30 mijë lekë. Mos ejani këtu për Palokën dhe Sali Berishën, por për veten tuaj. Ky nuk është parlament, nuk kishte se si të ndodhte ndryshe në një vend që drejtohet nga Edi Rama dhe të tjerat janë kukulla,” tha Paloka.