Deputeti i Partisë Demokratike, Edi Paloka, ka komentuar rishikimin që KQZ i ka bërë sistemit të votimit elektronik të bashkisë Kamëz dhe Elbasan.
Paloka është shprehur se kontestimi nuk është bërë për numrin e fletëve të votimit, por për shkak se në pajisje votoje kandidatin e PD dhe vota shkonte për kandidatin e PS.
Reagimi nga deputeti demokrat erdhi pasi në KAS u rinumëruan 3 nga kutitë e Elbasanit ku doli se numri i fletëve të votimit në kuti ishte i njëjtë me ato të shkruara në procesverbal, përfshi këtu edhe ndarjen e votave për kandidatët.
“Ja dhe “shakaja” e fundit nga KQZ.
Ka numëruar fletët në kutitë e votimit dhe deklaron se janë 100% në përputhje me rezultatin e transmetuar nga pajisja elektronike.
Po kush e ka ngritur këtë çështje?! Manipulimi i pajisjes është bërë që në votim ku siç u kap rasti në Elbasan dhe në Kamëz, votohej kandidati i opozitës dhe vota në fakt rezultonte për kandidatin e rilindjes. Ashtu dilte vota dhe e printuar në letër dhe binte në kuti pa e verifikuar dot ai që votonte. Kështu që asgjë nuk mund të vërtetohej nga numërimi i fletëve në kuti. Në kuti janë fletët me votën e manipuluar.
I vetmi verifikim që u kërkua dhe duhej bërë ishte që në prani të palëve të votohej me ato pajisje të paktën 30-40 vota për kandidatin e opozitës dhe të verifikohej në se rezultonin të tilla votat edhe në rezultatin final, përfshi fletën që binte në kuti.
Ky verifikim duhej bërë pa u kontrolluar prapë pajisjet nga “mjeshtrat” dhe te rikalibroheshin.
Prandaj mos u perpiqni të mashtroni kaq trashë se vetëm vërtetoni të kundërtën ; që jeni pjesë e manipulimit”, shkruan Paloka.
Discussion about this post