Kreu i Këshillit Kombëtar të Partisë Demokratike Edi Paloka ka prezantuar dje në Korçë drejtuesin politik të fushatës së PD për këtë qark Ivi Kaso.
Njoftimin për takimet e zhvilluara deputeti Paloka i ka bërë në një njoftim në facebook.
“Pritja mjaft e mirë që u bë nga strukturat drejtuese të degëve Korçe e Pogradec, jam i bindur që do të shpërblehet me punë dhe fitore”, shkruan Paloka.
Mesazhi:
Dje prezantova në Korçe dhe Pogradec drejtuesin e ri të qarkut z.Ivi Kaso, një nga figurat e reja drejtuese te PD. Një nga djemtë me personalitet e integritet që karrierën politike e ka ngritur hap pas hapi duke u angazhuar jo vetëm si përfaqësues juridik i PD. Si pjesëmarrës aktiv në gjithë aksionet dhe fushatat politike të PD, Ivi ka krijuar tashmë bagazhin e duhur të përvojës për të drejtuar një qark si ai i Korçës në një moment kaq të rëndësishëm politik për PD dhe shqiptarët! Pritja mjaft e mirë që u bë nga strukturat drejtuese të degëve Korçë e Pogradec, jam i bindur që do të “shpërblehet” me punë dhe fitore.
Paralelisht me urimet për z.Kaso, shkon dhe falënderimi për z.Spaho që ka drejtuar deri më sot qarkun me eficencë e përkushtim. Të gjithë bashkë do ja dalim!
Drejtuesi Politik i Partisë Demokratike për Qarkun e Korçës Ivi Kaso, ka folur pas prezantimit me strukturat e partisë. Ai komenton përballjen me Niko Peleshin dhe gjendjen e strukturave në këtë qark, gjithashtu flet dhe për fatin e PD e cila rrezikon të mbetet me kryetarin e saj në arrest shtëpie gjatë fushatës zgjedhore.
“Sot u mbajtën dy mbledhje të rëndësishme kryesie, njëra me kryesinë e degës së Korçës dhe tjetra me kryesinë e degës së Pogradecit. Besoj se është mirëpritur jo vetëm kandidatura ime si kandidat për drejtues qarku, por mbi të gjitha angazhimi i ri i PD-së për t’i dhënë një imazh të ri procesit të riorganizimit të saj të brendshëm dhe procesit të përgatitjes për betejën e ardhshme zgjedhore për zgjedhjet e Kuvendit.
Pashë të gjitha strukturat të motivuara, të cilat, jo vetëm në zgjedhjet e fundit të vitit 2021, kanë arritur një rezultat të mirë në këtë qark, por mbi të gjitha janë të përkushtuara për të bërë realitet premtimin e madh për të gjithë shqiptarët. Ky premtim vjen nga Partia Demokratike dhe Opozita e Bashkuar, me qëllim sigurimin e rotacionit politik në zgjedhjet e ardhshme”, tha ai.
Discussion about this post