Paloka: Primaret e PD do të zhvillohen në nivel qarku, votimi në 1 mars

Këshilli Kombëtar i Partisë Demokratike, ka vendosur që primaret të zhvillohen në nivel qarku.

Me shumicë dërrmuese votash, Këshilli kombëtar ka vendosur që në primare të mos futen të deleguarit politik në qarqe. Këshilli ka miratuar edhe rregulloren e primareve.

Duke folur për mediat në fund të mbledhjes, kryetari i Këshillit Kombëtar të PD-së, Edi Paloka ka sqaruar edhe debatet gjatë mbledhjes.

‘Data 1 mars është përcaktuar me vendim të kryesisë.

Pati diskutime për mbi dy orë. Me 10 vota kundër rregullorja u miratua.

Kishte mendime që mund edhe të mos zhvilloheshin për shkak të kohës, të krijoheshin dhe konflikte dhe pakënaqësi, që janë diskutuar disa herë.

Këto propozime u sqaruan.

Doktor Berisha ka qenë i prerë që primaret të zhvilloheshin.

Në fund rezultati tregoi se në fund propozimet që ishin për të bërë ndryshime të tilla, nuk fituan’, tha ndër të tjera, Edi Paloka.