Deputeti demokrat, Edi Paloka, ka reaguar përmes një postimi në rrjetet sociale, lidhur me deklaratat e Kryeministrit Edi Rama, i cili e konsideroi si ditë historike për vendin mbajtjen e Samitit të Procesit të Berlinit në Tiranë.
Paloka shkruan se dita e sotme nuk kishte asgjë historike, teksa i drejtohet me ironi Ramës, se në histori do të hyjë si tradhtar i interesave të shqiptarëve dhe këlysh i Serbisë.
Postimi i Edi Paloka
“E ka me merak të madh të bëjë diçka “historike” dhe ky!
Se çfarë kishte “historike” tek kjo mbledhja e sotme, këtë mund ta kuptojë vetëm një mendje “gjeniale” si e liderit global!!!
Historike është përmbysja e komunizmit.
Historike është anëtarësimi i Shqipërisë në NATO.
Historike është liberalizimi i vizave.
Historike do jetë dita e anëtarësimit në BE…
Po kjo e sotmja çfarë kishte historike, apo që ishte ditë me diell?!
Po ti Edvin mos e mbaj atë merak se do hysh në histori. Do hysh si këlysh i Serbisë e tradhtar i interesave të shqiptarëve.
Discussion about this post