Kreu i Këshillit Kombëtar të PD, Edi Paloka ka shpërthyer në ofendime pas ceremonisë pritëse që iu bë kampiones Luiza Gega nga ana e qeverisë.
Deputeti demokrat shkruan në Facebook se Rama ka shpenzuar miliona lekë për organizimin e kësaj ceremonie, para të cilat mund t’ia jepnin atletes shqiptare. Sipas tij, kur Luiza kishte nevojë për mbështetje, qeveria e injoroi, ndërsa tani po shfrytëzon suksesin e saj.
“Duhet zotësi dhe për tu bërë kaq i pështirë e i neveritshëm! Jashtë imagjinate…!!! Deri sa Luiza klithte për të marrë pak mbështetje nga shteti, bënin veshin shurdh të gjithë palaçot. Sot janë sulur të marrin çfarë të munden nga sakrificat dhe suksesi i saj! Kanë hedhur miliona sot, jo për Luizën, po për shfaqjen e tyre. Te paktën këto miliona që keni harxhuar për shoq, t’ia kishit dhënë asaj, Luizës. Nga taksat tona janë dhe ne do pranonim me shumë dëshire që ti merrte Luiza, po ju prapë futët feçken tuaj të ndyrë! Ptuuu racë e qelbur”, shkruan Paloka.
Discussion about this post