Deputeti i PD Edi Paloka ka reaguar ashpër sa i takon emërimit të Ilir Beqajt në krye të Agjencisë së Donatorëve. Sipas Palokës, edhe më i pahijshëm bëhet ky vendin ku në prezantim shkojnë ambasadorja e SHBA Yuri Kim dhe ai i BE Luigi Soreca. Duke komentuar këtë konferencë, Paloka shkruan përmes një postimi në Facebook se, ambasadorët u shkojnë në zyrë dhe takojnë pushtetarë që janë akuzuar për korrupsion dhe duhet të ishin pas hekurave.
“Shpall Berishën “non grata” për korrupsion e për më shumë pas tetë vitesh në opozitë! Ndërkohë dekoron Dvoranin si kalorës të luftës kundër korrupsionit, i shkon në zyrë Arben Ahmetajt dhe i kërkon që të marrë në dorë flamurin e luftës kundër korrupsionit dhe e fundit kjo e Beqes. Në inagurimin e Beqes si drejtor ju thua shqiptareve se lufta kundër korrupsionit po ecën në rrugën e duhur!!! E si pret pastaj të besojnë shqiptarët në drejtësinë e qëndrimeve dhe vendimeve që merr”, shkruan ai.
Në këtë kuadër, Paloka u bën thirrje demokratëve që të ftillohen e ta shohin realitetin në sy. Sakaq, ai tha se askush nuk i sheh vendimet e Yuri Kim në lidhje me Berishën si mbështetje ndaj PD. “Të paktën demokratet duhet të ftillohen e të shohin realitetin në sy. Ata që duhej të shpalleshin “non grata” e madje të ishin pas hekurave për korrupsion, në fakt po glorifikohen. E nëse dikush këtë e sheh si “mbeshtetje për PD” apo si dëshirë që PD ta çojnë në pushtet, ai qoftë se në këtë rast edhe naiviteti do ishte thjesht justifikim!”, shkruan Paloka në Facebook, duke thënë se PD shumë shpejtë do të tregojë të vërteta dhe të grisë fasadat e qeverisë Rama.
Discussion about this post