Në një intervistë për mediat, deputeti i PD-së, Saimir Korreshi ka deklaruar se rizgjedhja e Palokës në krye të Këshillit Kombëtar të PD nuk ishte diçka e re pasi ky i fundit e kishte mbajtur të njëjtin post edhe gjatë kryesimit të Bashës.
“Nuk është se paska bërë ndonjë gabim të marrë Basha se po zotin Paloka ka pasur. Kështu që nuk më duket ndonjë gjë e veçantë. Pra është rizgjedhur po i njëjti ty që ishte në kohën e Bashës, sërish Paloka është kryetar”– tha Korreshi.
Korreshi gjithashtu foli për rikthimet brenda PD-së, ku u shpreh se më parë, Topalli, Hajdari dhe të gjithë të tjerët që u rikthyen duhet të kërkonin falje për votat e tyre kundër gjatë zgjedhjeve të 25 Prillit.
“Ka pak radhë sepse kur del nga radha për t’u gjuajtur me gurë demokratëve, është mirë të dalësh sërish në fund dhe të kërkojnë falje për qëndrimet e tyre. Tani këta papritur vijnë dhe bëhen gjenerala. Hajt se po rrimë të gjithë të votojmë ndonjëherë kundër PD-së dhe të rikthehemi me një mundësi të tillë për t’u bërë gjeneralë. Qenka mirë kështu, të gjithë ata që kanë sharë e çfarë nuk kanë bërë vijnë si gjenerala. Ndërsa ne që kemi ndenjur 8 vite në opozitë”– u shpreh deputeti demokrat.
Discussion about this post