Edi Paloka, zbuloi disa detaje nga mbledhja e Këshillit, ku u miratua formula e zgjedhjes së Primarëve, që nis më 1 mars.
Në cilësinë e kryetarit të Këshillit Kombëtar të PD, Paloka tha se për të shmangur konfliktet gjatë fushatës, u vendos si kusht që do të përjashtohen nga gara, ata kandidatë të cilët fyejnë e shajnë njëri-tjetrin. Deputeti Paloka u shpreh ndër të tjera se interesi i cdo demokrati duhet të jetë fitorja e PD.
Edi Paloka: Ne miratuam në Këshillin Kombëtar, gjithë procedurën që do të ndiqet për primaret, nga regjistrimi, rregullat e zbatuara, caktuam datën 1 mars për zhvillimin dhe tani kandidatët janë duke plotësuar kërkesat që paraqitëm.
U përpoqëm që gjithë procedura, duke patur parasysh se shpesh gara mundd të krijojë pakënaqësi, të jetë e tillë që të shmangë sa më shumë konfliktet, madje vumë dhe një kusht që parashikohet tek kodi i etikës së PD, që gjatë fushatës kandidatët të mos shajnë apo ofendojnë njëri –tjetrin, ndryshe do përjashtohen nga gara.
Gjithë përpjekja është për ta ruajtur dhe madje pse jo për ta përdorur këtë fazë të primareve, në këtë situatë kaq pozitive për PD, për të patur dhe një kulm tjetër.
Gara mund të ketë probleme ose mund të ketë pakënaqësi, unë uroj që interesi personal të jetë fitorja e PD, jo marrja e një mandati të deputetit, një rrogë.
Unë e kam thënë se nëse Rama larg qoftë të jetë kryeministër, mua as nuk më duhet ai mandat në parlament. Pra gjithë beteja jonë duhet të bëhet për të fituar PD-ja, interesi ynë personal duhet të jetë kjo.
Discussion about this post