Kryetari i Këshillit Kombëtar të PD-së, Edi Paloka në deklaratë për mediat tha se grupit të Alibeajt i është kërkuar vetëm që të respektojë primaret dhe se edhe këtë gjë nuk e ka pranuar. Paloka thekson se nëse do të pranoheshin primaret, do mbështeste vetë publikisht grupin e Bardhit.
Paloka: Do ju them dhe diçka tjetër, u kam ofruar që kur shohim që kemi një kandidat që mund të jetë i asaj pale dhe gjithë kjo situatë konfliktuale mund ta pengonte të kandidonte, i ofrova mbështetje.
Do dilja edhe vetë unë e do ta mbështesja publikisht, duke shkelur dhe etikën me kandidatët e tjerë. Përveç Primareve ne nuk kemi diskutuar asgjë tjetër, nuk kemi kërkuar gjë tjetër. Primaret janë flamuri i Partisë Demokratike.
Discussion about this post