Kryetari i Partisë Demokratike, Lulzim Basha ka komentuar hyrjen e ish-kryeministrit Sali Berisha brenda selisë së partisë mëngjesin e sotëm. Basha ka thënë se Berisha erdhi me njerëz ishin me xhepa të grisur kur erdhën dhe më pas u bënë milionerë. Ai është shprehur se deri më sot nuk ka ekzistuar asnjë organizatë antiamerikane dhe se këto janë ditët e përçarjes me gënjeshtrat e tij të paturpshme.
“Banditë, njerëz me precedentë penalë. Me njerëz që ishin me xhepa të grisur kur erdhën dhe më pas u bënë milionerë. Deri më sot nuk ka ekzistuar asnjë organizatë antiamerikane. Pa ta nuk do e rrëzonim dot komunizmin. Nuk do të arrinim dot gjenocidin e Kosovës, as ta bënim të lirë dhe të pavarur. Pa ta nuk do të arrinim marrëveshjen e Ohrit.
Pa SHBA, dhe me ndihmën e shteteve të BE, ky komb do të kishte një fat krejt ndryshe. Ne mund të fajësojmë sa të duam për fajet tona. Shqiptarët nuk e meritojnë Edi Ramën. Ajo që pamë sot janë llumi I shoqërisë, llumi i PD, i vetëpastruar. I kam bërë nderin më të madh PD-së dhe shqiptarëve. Këto janë ditët e përçarjes me gënjeshtrat e tij të paturpshme. Hedh gënjeshtër pas gjënjeshtre dhe aty në Kuvend. Nuk ka lidhje me PD ajo që sapo mbuluat në shkallët e partisë” – ka thënë Basha.
Basha më tej është shprehur se sot pamë një njeri të frikësuar nga Kunvendi i 18 dhjetorit dhe një përpjekje për t’iu fshehur “non gratës”.
“Sot pamë një njeri të frikësuar nga Kunvendi i 18 dhjetorit. Gjithë demokratët po presin që ky Kuvend, bashkimi të japë një përgjigje të shkuarts dhe të japë një mesazh Shqipërisë dhe kombit tonë. Ne e dimë dhe e njohim rrugën në të cilën do të drejtojmë këtë vend. Do ta bëjmë së bashku. Do ta shpalosim në një Kuvend të madh që do jetë Kuvend demokratësh. Me vërtetësi dhe pa falsitet. Siç e thashë, kemi një person të frikësuar nga Kuvendi. Në përpjekje për t’iu fshehur “non gratës”, Berisha po përpiqet pas PD-së ose Brenda Selisë së PD. Ne ishim në punën tonë. Ne po bënim mbledhje me anëtarët e grupit të punës për zgjedhjet në FRPD dhe në Lidhjen demokratike të Gruas. Përpara për ne është Shqipëria” – tha Basha.
Discussion about this post