Pamje rrëqethëse janë shkrepur jashtë spitalit të Përgjithshëm të Larisës, ku mbërrijnë familjarët e pasagjerëve të trenit për t’u informuar për fatin e njerëzve të tyre.
Sipas mediave greke, një nënë që u thirr për të identifikuar vajzën e saj përmes një testi të ADN-së, e jashtë spitalit bërtiti: Ku është vajza ime?
Ndërkohë vinçat tentojnë të ngrenë pjesët e trenit, të gjithë shpresojnë se numri i të vdekurve nuk do shtohet e se nuk do të gjenden më trupa.
Ngjarja e rëndë ndodhi pak para mesnate në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 36 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash.
Shkak për shpërthimin e zjarrit dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal.
Discussion about this post