Ky është momenti pasi u ekzekutua me armë zjarri shqiptari Ergys Dashi, në Ekuador. Fotoja është publikuar nga mediat ekuadoriane, të cilat e kanë censuruar për shkak të pamjes së rëndë që përmban.
Dashi, 34 vjeç dhe me origjinë nga Durrësi duke se është i shtrirë në tokë e zona rreth tij është e mbuluar nga gjaku.
Personi që ka mbetur i vdekur në ambientet e një restoranti është identifikuar si Ergys Dashi dhe se sipas të dhënave rezulton se është nga qyteti i Durrësit, por banues në Tiranë.
Dashi kishte disa kohë që jetonte përkohësisht në Guajakil të Ekuadorit, ndërsa dyshohet se aktiviteti i tij në këtë shtet, ka qenë trafiku i lëndëve narkotike.
Ergys Dashi, rezulton të jetë pjesë e një grupi kriminal në Tiranë dhe Durrës, ku drejtuesit e këtij grupi kohët e fundit janë zhvendosur në Dubai dhe prej këtij monitojnë trafikun e kokainës nga Ekuadori në vendet e Evropës si dhe në Shqipëri. Dashi, ishte njeriu i besuar i E.D dhe P.D, që të dy persona të shpallur në kërkim nga drejtësia Shqiptare dhe ajo italiane.
Discussion about this post