Kanë dalë pamje dhe të dhëna të tjera nga ngjarja në Bruklin, New York, ku pati një sulm me armë këtë paradite. Sipas të dhënave të publikuara 13 persona janë plagosur nga sulmi i ndodhur brenda një stacioni metroje, ndërsa kaosi dhe tmerri ka përfshirë të gjithë qytetin.
Policia akoma nuk ka një të dyshuar për këtë ngjarjes, por është rrethuar e gjithë zona, ndërsa dyshohet se ai është larguar me një nga linjat e metrosë. Ndërkohë ambulancat kanë mbërritur në vendngjarje për të dërguar në spital të plagosurit, ndërsa policia po mundohet të vërë nën kontroll situatën.
Sikur duket edhe nga pamjet në video njerëzit janë të terrorizuar dhe trafiku ka bllokuar kalimin në këtë zonë të qytetit. Sipas të dhënave 5 persona janë plagosur me armë, ndërsa atë tjerët janë plagosur pasi një pajisje tymi brenda në stacion ka shpërthyer. Si pasojë një nga të plagosurit është në gjendje të rëndë por deri më tani nuk flitet për viktima. Policia tha se, autori dyshohet të jetë mashkull, ndoshta i veshur me maskë gazi dhe jelek ngjyrë portokalli dhe është larguar me shpejtësi nga vendi i ngjarjes.
Discussion about this post