Sipas mediave bjelloruse dhe raporteve televizive, shumë ushtarë rusë të plagosur po dërgohen në Bjellorusi për të marrë kujdes mjekësor përpara se të transportohen përsëri në Rusi.
Sipas “Deutsche Welle”, që nga fillimi i pushtimit rus në Ukrainë më 24 shkurt, Ministria ruse e Mbrojtjes ka raportuar vetëm një herë humbjet e saj ushtarake – ku që nga 2 marsi thuhet se janë vrarë 498 ushtarë dhe janë plagosur 1597 të tjerë. Sipas mediave bjelloruse dhe raporteve televizive, shumë ushtarë rusë të plagosur po dërgohen në Bjellorusi për të marrë kujdes mjekësor përpara se të transportohen përsëri në Rusi.
Këtë e konfirmoi edhe presidenti i Bjellorusisë, Aleksandër Lukashenko, duke thënë se pas pesë ditësh pushtim, 160-170 ushtarë rusë u shtruan në spital në Gomel, Mazyr dhe qytete të tjera bjelloruse. Burime të “Deutsche Welle” (DW) thanë se në ato qytete jugore të Bjellorusisë kishte ushtarë rusë dhe se një spital polak ishte krijuar në Narovlya, jo shumë larg kufirit me Ukrainën. Një burim i tha gazetës se shumë ushtarë vijnë në Mazir “pa krahë, këmbë, veshë dhe sy”.
“Ata vijnë shumë vonë dhe me gangrena. Nëse sillen në kohë, gjymtyrët e tyre mund të shpëtohen,”– ka thënë burimi i DW. “Daily Mail” nga ana tjetër shkruan se trupat e ushtarëve rusë të vdekur në Ukrainë po transferohen nga Bjellorusia në Rusi me avionë dhe trena gjatë natës për të mos tërhequr vëmendje. Ndërsa një video e tmerrshme e dëshmoi këtë.
A railway car is filled with bodies in Russian uniforms, a local resident recalls confronting Russian troops who entered his front yard during the Russian assault on the area. Voznesensk was attacked by Russian forces but is still in Ukrainian hands. pic.twitter.com/c4QEzCr8Ba
— Radio Free Europe/Radio Liberty (@RFERL) March 18, 2022
Videoja e publikuar nga Radio Evropa e Lirë shfaq një ambulancë ushtarake që kalon nëpër Gomel, Bjellorusi, në fillim të marsit, ndërsa zyrtarët e spitalit rajonal thonë se më shumë se 2,500 trupa janë transferuar në Rusi që nga 13 marsi.
Sa kanë vdekur deri më tani? Askush nuk mund të japë shifra të sakta. Shifra të ndryshme vijnë nga anë të ndryshme, të cilat besohet se janë shumë më të larta, por edhe shumë mjekë bjellorusë gjithashtu refuzojnë të diskutojnë situatën në spitale. Dy burime i thanë Deutsche Welle-s se mjekët duhej të nënshkruanin një marrëveshje konfidencialiteti, ndërsa nëpër spital ka edhe ka oficerë të KGB-së ose FSB-së, që mbajnë gjithçka në vëzhgim.
Marrë nga Blic.rs
Discussion about this post