Në vend që të kapin shkopin, të luajnë apo të rrokullisen në bar, pronarët e qenve robotë të teknologjisë së lartë duket se i përdorin krijesat e tyre për të vrarë njerëz. Sot në rrjet u përhapën pamje e një qeni robot me një automatik të instaluar në kurriz që qëllonte ndaj objektivave duke u kthyer rrjedhimisht në një komponent të industrisë së luftës.
Duke shtënë pa diskriminim me armën e tij, roboti sillet rrotull pa u komanduar nga asnjë njeri, në pamjet tmerruese për këdo. Mjeti duket si një nga qentë e kompanisë amerikane Boston Dynamics, që deri tani ishte parë në internet duke kërcyer e duke shëtitur.
Por rrjeti Metro.co.uk thotë se qeni është një njësi e kompanisë kineze Unitree ‘Yusu’ që ka në kurriz një automatik PP-19 Vityaz. Rrjeti amerikan Vice tha se video ishte postuar fillimisht në llogarinë e YouTube të Alexander Atamanov, kreu i një kompanie teknologjike ruse.
Por idea e instalimit të armëve në qentë robotë nuk është diçka e re, teksa është bërë më parë nga kompania amerikane SËORD që kishte tentuar diçka të tillë vitin e kaluar. Ata vendosën një automatik mbi kurrizin e qenit robot Quadrupedal Unmanned Ground Vehicle (Q-UGV) të prodhuar nga grupi Ghost Robotics i Philadelphia.
Grui amerikan thotë se qeni mund të kontrollohet me një program të instaluar në një tabletë dhe disa versione fillestare po përdoren nga ushtria e SHBA. Nuk duhet ende nëse do të ketë pasoja pozitive për komunitetet aplikimi i këtij objekti të armatosur, që rrjedhimisht do të jetë i pavarur të përdore “inteligjencën” e tij për të zgjedhur objektivët.
https://youtu.be/-It_O0bL0v8
Discussion about this post