Moti i keq ka përfshirë ditët e fundit Kosovën. Si pasojë tre persona janë plagosur në Gjilan, pasi erërat e forta kanë rrezuar një vinç për ndërtimin e pallateve. Sipas mediave kosovare, tre të plagosurit ndodhen në spital dhe fatmirësisht jashtë rrezikut për jetën.
Ata ishin duke udhëtuar me një makinë të bardhë, kur vinçi është rrëzuar dhe e ka shtypur mjetin e tyre. Dy ditët e fundit Kosova është përfshirë nga stuhitë, ndërsa moti pritet pjesërisht i vranët dhe me reshje lokale shiu në dy ditët në vijim. Ndërkohe autoritet i bëjnë thirrje qytetarëve që mos dalin nga shtëpitë nëse nuk e kanë të domosdoshme gjatë orarit kur moti përkeqësohet.
Discussion about this post