Pamjet e reja/ Me bluzë të bardhë dhe pantallona të zeza, ja ku u shfaq për herë të fundit Ervis Martinaj

Kanë dalë për herë të parë pamjet kur i shumëkërkuari Ervis Martinaj është shfaqur për herë të fundit në publik.

Ai rezulton prej kohësh i zhdukur dhe ende nuk ka asnjë informacion. Momentet e “të fortit” të Tiranës janë publikuar nga emisioni “Në Shënjestër”, ku shihet Ervis Martinaj i veshur me bluzë bardhë dhe pantallona të zeza dhe dy persona të tjerë që e shoqëronin. Njëri është efektivi Jeton Lami dhe personi tjetër është mikesha e të shumëkërkuarit Martinaj.

Ervis Martinaj është filmuar nga kamerat e sigurisë të një hoteli luksoz në Durrës mbrëmjen e 5 gushtit, pesë ditë para se të denoncohej zhdukja e tij.

“Më pas silueta e mbretit të kumarit është shfaqur në një tjetër kamera sigurie në kryeqytet, në pallatin ku banon edhe Prokurori i Përgjithshëm i Shqipërisë” , thotë gazetarja Klodiana Lalaa, duke theksuar se pallati ku ai doli për herë të fundit ishte i rrethuar nga forcat e Gardës së Republikës.