Numri i viktimave nga përplasja e dy trenave në Larisa të Greqisë vazhdon të rritet.
Shumica nga 36 viktimat e deritanishme janë studentë dhe të rinj që kishin zgjedhur linjën e trenit Athinë-Selanik për të udhëtuar.
Disa imazhe të reja tregojnë përmasat e tragjedisë në afërsi të tunelit të Tempe, ku ndodhi edhe përplasja me trenin e mallrave që rezultoi fatale.
Ngjarja e rëndë ndodhi pak para mesnate në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 36 personave.
Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal.
Discussion about this post