PAMJET – Si dështoi tentativa e grabitjes së “Exchange-it” në Durrës

Një person ka tentuar të grabisë një pikë këmbimi valutor në lagjen numër 1, në shëtitoren “Taulantia”, në Durrës.

Me kapuç dhe në dukje një armë në dorë, ai është afruar në drejtim të “Exchange” rreth orës 09:00 të mëngjesit të sotëm dhe është futur brenda ambienteve.

Por, punonjësit e “Exchange”, të cilët kanë vënë re që ai ishte i armatosur, nuk kanë hapur derën e sigurisë brenda pikës së këmbimit valutor.

Pasi dera nuk i është hapur grabitësi, u largua me shpejtësi nga vendngjarja.

Policia ka sekuestruar pamjet filmime nga subjekti dhe po punon për identifikimin dhe kapjen e të riut.

Policia njoftoi se arma ishte lodër.

“Rreth orës 12:45, në lagjen nr. 1, Durrës, një shtetas ende i paidentifikuar ka hyrë në një dyqan për këmbim valutash dhe në kërcënimin e një pistolete lodër, ka tentuar të marrë një shumë parash. Shërbimet e Policisë kanë shkuar menjëherë në vendin e ngjarjes dhe po kryejnë kontrolle në zonë, për kapjen e autorit. Grupi hetimor vijon punën për zbardhjen e rrethanave të rastit, identifikimin dhe kapjen e autorit”, njoftoi policia.

Pamje nga kamerat e sigurisë