Vrasja e tre personave në qendrën kulturore të kurdëve në Paris ka sjellë revoltën e këtij komuniteti në kryeqytetin francez.
Qindra kurdë u grumbulluan në qendër të Parisit ku u përplasën me forcat e policisë të cilët ishin angazhuar në rrugë për të shmangur përshkallëzimin e situatës.
Policia u detyrua të përdorte gazin lotsjellës ndaj turmës së acaruar, që ishte mbledhur pranë zonës ku ndodhën të shtënat.
Sipas informacioneve nga mediat franceze, të shtënat kanë ndodhur në Qendrën Kulturore Kurde Ahmet-Kaya, në rrugën 16.
Mësohet se një 70-vjeçar hapi zjarr ndaj disa personave. Gjatë arrestimit të tij, policia sekuestroi dhe armën e krimit.
Ministri i Brendshëm, Gerald Darmanin konfirmoi se i dyshuari kishte si qëllim që të sulmonte të huajt, por shtoi se nuk kishte të dhëna nëse kurdët ishin synimi i tij.
Discussion about this post