Aleanca Berisha-Bardhi nuk fitoi as zgjedhjet në Kukës, thjesht po i hedh his syve demokratëve. Kështu u shpreh deputetja demokrate Oriola Pampuri, e rrjeshtuar në krah të Lulzim Bashës në atë që njihet si PD zyrtare, duke komentuar zhvillimet në kampin opozitar.
Në një intervistë për AbcNews, Pampuri tha se Rithemelimi premtoi revolucione, por sot nuk fituan as Bashkinë e Kukësit.
Në vijim ajo shtoi se fitoret nuk arrihen përmes bashkimeve mekanike, sikundër i cilëson ajo unifikimin e qëndrimeve nga 40 deputetë të PD-së dhe opozitës.
“Ata 40 deputetë pas zgjedhjeve të Kukësit duhet të reflektojnë që bashkimet në mënyrë mekanike nuk çojnë në fitore.
Nuk janë bashkime sot hajde hamë ne një drekë bashkë 5-6 veta, bëjmë një pakt me njëri-tjetrin, hajde ulemi në tryezë dhe themi që u bashkuam. Çfarë ndodhi me këtë bashkim? Përveç se humbi Kukësi dhe 10 herë më shumë se në zgjedhjet e 14 Majit.
Këto bashkime nuk çojnë në fitore, u hedhin hi syve, shqiptarëve, demokratëve sepse u del boja pastaj në momentin që ka zgjedhje dhe rezultati tregon të vërtetën. Pa shkas faktit që u shitën, u blenë. Ne nuk mund të dalim mbas çdo zgjedhje që na i vodhën, na i shitën, na i blenë.
Sepse jo më larg se në momentin që u krijua Rithemelimi, u tha që për 6 muaj do hedhim qeverinë, do bëjmë revolucion, nuk do na vjedhin më votat, nuk do kemi më të njëjtat gjëra.
Lulzim Basha mbajti PD në opozitë dhe me aq sa pamë nga krijimi i këtij grupimi që aludonte se do të ishte ekstremisht i suksesshëm, sepse ky grupim i vogël e paska penguar, pamë që Shqipëria u bë e gjitha mavi në zgjedhjet lokale, pamë që në bashkinë e Kukësit pas një megaskandali, qytetarët nuk e panë të arsyeshme të votonin një forcë tjetër”, u shpreh ajo.
Discussion about this post