Pampuri kundër Grupit të PD: Boll me mllefe kolektive…

Deputetja Oriola Pampuri ka reaguar përmes një postimi në rrjetet sociale mbi deklaratën e bërë publike në emër të Grupit Parlamentar të PD-së.

Pampuri shkruan se nesër, Partia Demokratike ka zgjedhje dhe ky është një vendim i miratuar nga kryesia dhe këshilli kombëtar, mendimet dhe qëndrimet kundër mbajnë emër dhe mbiemër të çdo deputeti, por mllefet kolektive, nuk mund t’i atribuohen grupit parlamentar.

Deputetja, e cila mbështet linjën e Lulzim Bashës në PD-në e vulës, e konsideron të tepërt faktin se disa ligjvënës, flasin në emër të grupit, ndërkohë që nuk janë të pranishëm të gjithë deputetët.

Reagimi i Pampurit

📌Si Zëdhënëse e Grupit Parlamentar të Partisë Demokratike, dua të theksoj se;

Deklarata në emër të grupit parlamentar, pa dijeninë anëtarëve të grupit nuk gëzojnë vërtetësi.

📌Nxitimin për të ndërmarrë hapa antistatutorë nuk ndihmon askënd, dhe nuk e legjitimon asnjë vendim. Kjo duhet të marrë fund. Individualisht deputetë të grupit mund të shprehin mendime e qëndrime, por të flitet në emër të grupit, pa pjesëmarrjen e të gjithë deputetëve është e tepërt.

📌Nesër, Partia Demokratike ka zgjedhje dhe ky është një vendim i miratuar nga kryesia dhe këshilli kombëtar, mendimet dhe qëndrimet kundër mbajnë emër dhe mbiemër të çdo deputeti, por mllefet kolektive, nuk mund t’i atribuohen grupit parlamentar.

📌Partia Demokratike është e demokratëve, deputetët janë njerëz me dinjitet e integritet, dhe në asnjë moment nuk mund të shndërrohen në tabele qitje për të shfryrë mllefet e frustrimet e brendshme të askujt, apo për të mbrojtur interesat personalë të dikujt.