Vijojnë përplasjet në distancë mes grupimeve në Partinë Demokratike. Oriola Pampuri, një nga deputetet e rreshtuara në krah të Lulzim Bashës, në atë që njihet tashmë si PD zyrtare, ka thumbuar kolegët e saj që janë rreshtuar në krah t ëish-Kryeministrit Sali Berisha dhe kreut të Grupit Parlamentar, Gazment Bardhi.
Pampuri nuk nguron ti cilësojë ata sit ë kapur nga Kryeministri Edi Rama përmes oligarkëve.
Në një postim në rrjetin social, deputetja demokrate shkruan se opozita e Berishës merr natën leje nga Edi Rama për ndërtimin e kullës 64-katëshe në Tiranë, dhe ditën sulmon Partinë Demokratike, po për llogari të Edi Ramës.
Reagimi i plotë i Pampurit:
Natën marrin leje ndërtimi nga Edi Rama për kullën 64 kate, dhe ditën dalin e sulmojnë PD për llogari të Edi Ramës.
Opozita e vërtetë është ajo që lufton për hallet e qytetarëve dhe jo ajo e oligarkëve të përbashkët që i mban dhe i financon!
Opozita e vërtetë janë ata që çdo ditë janë pranë qytetarëve, dhe jo opozita e kullave dhe e marrëveshjeve të fshehta!
Opozita e vërtetë është ajo e njerëzve të pastër, që të vetmin pakt e kanë me qytetarët, të tjerët që kalkulojnë se ku do të jenë në 2025, le të marrin përsipër dhe kusuret.
Aleanca e kullave dhe e non gratave nuk do ta mbajë dot peng PD dhe demokratët.
Discussion about this post