Anëtari i Kryesisë së Partisë së Lirisë, Edmond Panariti denoncoi situatën e rëndë të blegtorisë shqiptare.
Në një konferencë për mediat, Panariti theksoi se shkak i rrokullisjes së këtij sektori tejet jetik është një skemë absurde e pagesave e miratuar nga qeveria, e cila përjashton të vegjëlit dhe të mesmit.
“Rrokullisja e blegtorisë nga një skemë absurde e pagesave, e cila përjashton të vegjëlit dhe të mesmit. Kryefjala e pagesave për bujqësinë këtë vit, duhet të ishte blegtoria. Duhet të ishin pagesat e drejtpërdrejta për krerë.
Ne sot kemi rreth 300 mijë krerë gjedhë nga 600 mijë disa vite më parë. Sepse blegtoria nuk mbështetet, nuk paguhet. Kjo, pasi skema e mbështetjes së blegtorisë, përjashton me një prag absurd dhe diskriminues financimi mbi 70% të fermave dhe blegtorëve tanë të lopëve.
Kjo skemë përjashton nga pagesat 80 përqind të fermave të deleve dhe të dhive të cilat mbarështojnë mesatarisht 40 dele dhi. Sepse pragu diskriminues prej 100 krerë i pagesave, i lë ata pa asnjë qindarkë pagese.
Skema e mbështetjes së blegtorisë në fakt është antikombëtare, sepse lë jashtë mbështetjes dhe përkrahjes 70% të blegtorisë së vendit”, theksoi Panariti.
Discussion about this post