Një paraqitje pozitive për Panathinaikosin e Athinës, në ndeshjen e dytë miqësore në Austri. “Jeshilët” që po zhvillojnë fazën kryesore të përgatitjes fituan 3-1 ndaj Rogaska nga Sllovenia, skuadër që këtë vit u ngjit në kategorinë e parë.
Debutoi për ekipin kryeqytetas të Greqisë, Filip Mlladenoviç, ndërsa kjo ishte miqësorja e parë e futbollistëve të ardhur nga grumbullimet me kombëtaret pak ditë më parë.
Në pjesën e parë Panathinaikos u tregua koherent, në një nivel të mirë dhe mbi të gjitha bëri kombinime të bukura në fushë. Paraqitje shumë të mirë bënë Bernard dhe Kleinheisler.
Me një kombinim të bukur erdhi goli i parë, në minutën e 25’, Ioannidis dërgoi në rrjetë për të zhbllokuar rezultatin.
Athinasit vazhduan të dominojnë dhe me një kombinim po aq të bukur gjetën golin e dytë, në minutën e 37’ me Bernard.
Në pjesën e dytë ndeshja ishte e ekuilibruar kryesisht sepse me ndryshimet Panathinaikos nuk pati të njëjtën qëndrueshmëri. Më në fund, në minutën e 63’, Magnusson me një goditje dënimi të bukur, shënoi golin e tretë për grekët.
Golin e nderit e shënuan sllovenët në minutën e 83’, duke e mbyllur takimin me shifrat 3-1. Zdunic ishte ai që e dërgoi topin në rrjetë.
Discussion about this post