Pandemia/ 22 raste të reja me Covid-19, në 24 orët e fundit

Në 24 orët e fundit janë shënuar 22 raste të reja të infektimit me Covid-19.

Ministria e Shëndetësisë bën me dije se janë kryer 49 testime, ndërsa 16 qytetarë janë shëruar. Fatmirësisht, nuk është shënuar asnjë viktimë si pasojë e Covid-19 gjatë 24-orëshit të fundit.

“Ju informojmë për situatën e Covid19 në 24 orët e fundit: Janë kryer 49 testime, nga të cilat kanë rezultuar pozitivë me COVID19, 22 qytetarë, në Bashkitë: 12 në Tiranë, nga 2 qytetarë në Lezhë, Fier, Sarandë, nga 1 qytetarë në Shijak, Lushnje, Vlorë, Berat. Janë 206 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 1 pacientë. Në 24 orët e fundit nuk ka asnjë humbje jete me SarsCov2. Janë shëruar 16 qytetarë gjatë 24 orëve të fundit, duke e çuar numrin e të shëruarve në 328,699 që nga fillimi i epidemisë”, njofton MSH.