Maqedonia e Veriut ashtu si shumë vende të tjera, përfshirë edhe Shqipërinë ka vendosur heqjen e të gjithë masave kufizuese ndaj Covid, pas reduktimit të rasteve.
Komisioni për Sëmundje Ngjitëse në mbledhjen e sotme ka vendosur heqjen e të gjitha masave kufizuese, përveç mbajtjes së maskave në spitale, farmaci, transport publik dhe në shtëpi për të moshuar.
Komisioni u bën thirrje qytetarëve që t’i respektojnë rekomandimet për mbrojtje personale dhe higjienë siç është larja e shpeshtë e duarve, dezinfektimi dhe mbajtja e distancës. Ata shtojnë se vaksinimi vazhdon të jetë masa më e mirë dhe më efikase për mbrojtjen nga COVID-19.
Kujtojmë se ditën e djeshme, Komiteti Teknik i Ekspertëve në vendin tonë vendosi heqjen e të gjitha masave anti-Covid që ishin në fuqi, duke rikthyer normalitetin para pandemisë.
Discussion about this post