Pandemia ka shkaktuar me miliona të vdekur në t gjithë botën dhe po shumë i lartë ka qenë numri i fatalisteve për vendin tonë. Sipas të dhënave të publikuara nga INSTAT, që nga prilli 2020, kur vala e pandemisë filloi të jepte pasojat e para në Shqipëri deri në fund të shtatorit 2021, në vend janë shënuar rreth 11 mijë vdekje më shumë në krahasim me mesataren e periudhave përkatëse 2016-2019. Në raportin për tremujorin e tretë INSTAT tregon se, për periudhën korrik-shtator 2020, në vend janë regjistruar 6,037 humbje jete, nga 6,624 në të njëjtën periudhë të një viti më parë, me një rënie prej 8.9%.
Konkretisht, që nga fillimi i pandemisë (në 19 mars 2020 u raportua vdekja e parë) deri në 30 shtator 2021, Ministria e Shëndetësisë ka raportuar 2698 humbje jete nga Covid-19, ose 4 herë më pak se shtesa e vdekjeve për të njëjtën periudhë. Ndërsa, për gjithë periudhën , në vend janë shënuar 21,471 humbje jete, me një rritje prej 18% në raport me të njëjtën periudhë të 2020-s, për shkak të fataliteteve të larta që ndodhën sidomos në tremujorin e parë të këtij vit dhe krahasuar me periudhën 2017-2019 vdekjet janë rritur me 36.1%. Sakaq, evidentohet se sipas qarqeve, për 9 mujorin 2021, në krahasim me mesataren përkatëse 2016-2019, rritja më e lartë e jetëve të humbura ishte në Tiranë (+44%), Fier (+40.3), Durrës (+33.7%), Lezhë.
Por jo vetëm kaq, në raport evidentohet edhe një rritje e nivelit të vdekjeve dhe nga shkaqe të tjera. Në raport thuhet se, çdo ditë e më shumë po konstatohen fatalitete te personat që e kanë kaluar infeksionin dhe ai u ka lënë pasoja të rënda në shëndet, duke u sjellë më pas vdekjen. Mjekët pohojnë se shumë pacientë po vuajnë simptoma të rënda pasi kanë kaluar Covid-19, ku më tipike është trashja e gjakut, që rrit probabilitetin për goditjet e lidhura më sëmundjet e aparatit të qarkullimit të gjakut. E,H/gijotina.com/
Discussion about this post