Pasagjerët e një avioni në Atlanta janë përfshirë nga paniku, të dielën në mëngjes kur aeroplani i tyre u përfshi nga flakët. Sipas mediave të huaja, zjarri u shfaq pranë gomave të aeroplanit ndërsa retë e tymit dolën nga pjesa e pasme pas uljes së tij në Aeroportin Ndërkombëtar të Atlantës rreth orës 9:30 të mëngjesit (sipas kohës lokale).
“Fluturimi Spirit 383 nga Tampa në Atlanta u ul në mënyrë të sigurtë në Aeroportin Ndërkombëtar të Atlantës dhe pas uljes, një nga frenat u nxeh shumë”, citohet të ketë thënë një zëdhënës.
“Aeroplani u tërhoq në portën ku pasagjerët zbritën në mënyrë të sigurtë pa asnjë lëndim. Faleminderit reaguesve të parë të Atlantës. Aeroplani do të hiqet përkohësisht nga shërbimi për mirëmbajtje”.
Një deklaratë e ngjashme u shfaq në llogarinë në Tëitter të Aeroportit të Atlantës, duke vënë në dukje se incidenti ishte për shkak të zjarrit të frenave dhe se nuk raportohet për të lënduar.
Discussion about this post