Panik në Durrës/ Nxënësit në mësim, shpërthen kaldaja në shkollën “Jan Kukuzeli”

Një ngjarje e rëndë është shënuar në Durrës. Burime bëjnë me dije se shkolla artistike në Durrës “Jan Kukuzeli” është mbushur totalisht me tym.

Mësohet se ndërkohë që nxënësit po zhvillonin mësim, kaldaja ka pësuar defekt dhe ka shpërthyer. Deri më tani nuk raportohet për persona të lënduar, por vetëm për dëme materiale.

Bëhet me dije se mësimi është ndërprerë dhe nxënësit janë evakuar nga ambientet e shkollës artistike.  Nuk dihet ende se çfarë e ka shkaktuar këtë defekt të kaldajës në shkollë.