Panik në Elbasan/ Përleshje mes të rinjve, njëri prej tyre rrëmben një person dhe largohet me…

Një ngjarje e rëndë është shënuar sot në Elbasan, që ka shqetësuar dhe vënë në panik banorët.

Gijotina.com raporton se dy  grupe të rinjsh janë përplasur me njëri-tjetrin në qendër të qytetit.

Burime  bëjnë me dije se dy grupe të rinjsh janë përplasur duke përdorur sende të forta ndaj njëri-tjetrit. Pas sherrit disa nga personat e përfshirë në sherr janë larguar nga vendngjarja me një mjet “Ford” ngjyrë gri.

Burimet bëjnë me dije se personat e larguar dyshohet se kanë rrëmbyer dhe një person, duke e futur me dhunë në makinë. Ndërkohë që nuk dihen ende arsyet e sherrit.

Në vendngjarje ka mbërritur policia, e cila po pyet dëshmitarët, ndërkohë që janë vënë në ndjekje të mjetit ku dyshohet se ndodhet dhe një person i rrëmbyer.