Një ngjarje e rëndë ka ndodhur në qendër të Dresdenit, Gjermani. Sipas disa mediave gjermane, një burrë i armatosur me pistoletë ka hapur zjarr drejt godinës së radios lokale dhe më pas është fshehur në një farmaci.
Mësohet se fillimisht, 40-vjeçari ka vrarë nënën e tij 70 vjeç në një apartament në lagjen Prohlis të shtunën në mëngjes.
Vrasësi i dyshuar hyri në “Radio Dresden” në Ammonhof pas krimit në mëngjes. Ai tentoi të futej në ambientet e brendshme duke thyer derën por nuk ia doli dot. Menjëherë pas kësaj është larguar për t’u fshehur në një farmaci, ku mori peng një grua dhe një fëmijë.
Forcat speciale të policisë hynë në farmaci dhe arritën të kapnin agresorin duke e lënë të plagosur dhe liruar pengjet.
Discussion about this post