Panik në Greqi/ Dy shqiptarët gjuajnë me armë pas sherrit në lokal

Të shtëna me armë zjarri janë dëgjuar në orët e para pas mesnate, në një lokal nate në qytetin grek të Volosit.

Mësohet se pas një zënke mes një grupi klientësh dhe dy shqiptarëve, këta të fundit kanë nxjerrë armët dhe kanë qëlluar në ajër duke krijuar panik.

Pas kësaj dy shqiptarët kanë tentuar të largohen me vrap por janë ndjekur nga pronarët e lokaleve përreth, të cilët i kanë dhunuar.

Për pasojë një prej tyre ka përfunduar në spital nga plagët e marra, ndërsa policia ka sekuestruar një pistoletë që dyshohet se ishte në pronësi të një prej shqiptarëve.

Po ashtu janë shoqëruar tetë persona, ndërsa hetimet vijojnë për zbardhjen e plotë të rrethanave.