Sot u dorëzua në ambjentet e qëndrës stërvitore të Federatës Italiane të Futbollit, vlerësimi për trajnerin më të mirë të sezonit 2021-2022.
Trajneri i Milanit, Stefano Pioli është shpallur fitues i “Pankinës së Artë”, çmim që jepet nga trajnerët e klubeve të Serisë A dhe B.
Tekniku e fitoi çmimin falë suksesit në kampionat sezonin e kaluar duke e përfunduar në vendin e parë Serinë A dhe si rrjedhojë duke rikthyer Scudetto-n në Milalnelo pas 11 vitesh.
Nga 46 votues, Pioli kishte favorin e 33 trajnerëve. Në ceremoni ishin të gjithë trajnerët e Serisë A përveç dy teknikëve që janë duke përgatitur ndeshjet e tyre në Champions League, Lucciano Spaletti dhe Simone Inzaghi.
Ndërkohë çmimin për trajnerin më të mirë në Serie B, e fitoi Fabio Pecchia, i cili u shpall kampion i kategorisë inferiore italiane me Cremonese-n.
Discussion about this post