Benedikti i XVI, i pari Papë në 6 shekuj që dha dorëheqjen nga drejtimi i Kishës Katolike është në gjendje të rëndë shëndetësore. Lajmin e bëri të ditur Papa Françesku, gjatë një dëgjese këtë të Mërkurë në Vatikan, ku u bëri thirrje besimtarëve për t’u lutur për shëndetin e tij.
Ati i Shenjtë nuk u zgjerua në detaje, por zyrtarë të Vatikanit thonë për mediat ndërkombëtare se ish-Papa, sot 95 vjeç është nën kontrollin e mjekëve në gjendje të qëndrueshme, por të rëndë.
Shëndeti i Benediktit XVI është përkeqësuar javët e fundit edhe për shkak të moshës, ç’ka e ka konstatuar edhe më herët gjatë këtij muaji vetë Papa Françesku.
Kardinali gjerman Jozef Ratcinger pasoi në krye të Kishës Katolike, Papa Gjon Palin e Dytë në vitin 2005, por u dorëhoq pas gati 8 vitesh, për arsye që nuk janë bërë të ditura, e duke surprizuar besimtarët.
Pas dorëheqjes ai jeton në Kishën “Mater Eklezie” në Vatikan dhe konsiderohet personi më jetëgjatë që ka qenë ndonjëherë në krye të Katolicizmit.
Discussion about this post