Papa Françesku ka dhënë një tjetër deklaratë, ku në fokus ka pasur rënien e lindjeve dhe atë që cilësohet si “dimër demografik”. Papa ka ritheksuar dhe njëherë qëndrimin e tij mbi familjen, duke iu bërë thirrje çifteve që të lindin fëmijë, për të cilët thotë se mbajnë kafshë shtëpiake dhe jo fëmijë.
“Shumë çifte nuk kanë fëmijë sepse nuk duan një apo më shumë, por ata kanë qentë dhe macet që zënë vendin e fëmijëve”, tha ai.
Sipas Papës ky realitet është mohim i mëmësisë dhe atësisë që pakëson njerëzimin dhe qytetërimin, duke i humbur vlerat, të cilat i vuan atdheu.
“Ky mohim i mëmësisë dhe i atësisë, na pakëson, e merr njerëzimin, qytetërimi bëhet më i vjetër dhe pa njerëzim, sepse humbet pasuria e atësisë dhe mëmësisë dhe vuan atdheu që nuk ka fëmijë”.
Papa ka ndarë bisedën me një të moshuar i cili i ka thënë se plakja e popullsisë është problem edhe për moshat e treta.
“Tani kush do të paguajë taksat për pensionin tim që nuk ka fëmijë”, rrëfeu Papa.
Qëndrimi i Papa Françeskut lidhur me “dimrin demografik” u bë i ditur dhe në urim e tij për festat e fundvitit, ku iu bëri thirrje të gjithë çifteve të lindin fëmijë, duke lënë mënjanë planifikimin familjar.
Discussion about this post