Presidenti i Amerikës, Joe Biden është takuar në Vatikan me Papa Françeskun, si një takim ky që i paraprin samitit të G20.
Joe dhe zonja e parë Jill Biden janë pritur nga kreu i familjes Papale, Imzot Leonardo Sapienza. Ata zhvilluan një audiencë private ku të pranishëm ishin dhe të tjerë personalitete të politikës amerikane. Nga Shtëpia e Bardhë nuk ka pasur asnjë informacion nëse presidenti Biden do të marrë Kungimin e Shenjtë nga Papa Françesku, një çështje e ndjeshme mes kundërshtive nga disa se një gjë e tillë nuk duhet t’i ofrohet një presidenti katolik që mbështet abortin.
Zyrtarët e administratës Biden kanë thënë se Presidenti dhe Papa Françesku janë takuar tre herë dhe kanë shkëmbyer letra. Zoti Biden është takuar gjithashtu edhe me të dy paraardhësit e Papa Françeskut. Gjithashtu raportohet se edhe në vtin 2015 Papa Françesku është u takua me Joe Biden pas vdekjes së të birit.
Vatikani vendosi që audienca papale të mos transmetohet drejtpërdrejt.
Ky nuk ishte vetëm një takim mes dy personaliteteteve, por ka shërbyer për të diskutuar çështje kryesore jo vetëm politike, por për për ato kryesoret. Jake Sullivan tha të enjten se takimi, megjithëse ishte kryesisht personal, do të mbulonte gjithashtu edhe çështje të rëndësishme të politikës.
Ndër të tjera bëhet me dije se Papa së bashku me çiftin Biden kanë diskutuar për bashkëpunimin mes palëve, për çështje si Covid-19, varfëria apo dhe kriza klimatike.
