Kardinalët hyjnë sot në ditën e dytë të konklavës papnore për të zgjedhur një Papë të ri. 133 kardinalët morën pjesë në Meshë përpara se të ktheheshin në konsultime brenda Kapelës Sistine.
Ata nuk lejohen të komunikojnë me botën e jashtme derisa të zgjidhet një Papë i ri. Votimet janë planifikuar dy në mëngjes dhe dy në fund të pasdites.
Votimi i parë pritet të jetë rreth orës 10.30 i ndjekur nga një tjetër në orën 12:00. Kardinalët do të drekojnë, e më pas do të votojnë edhe dy herë të tjera, afërsisht rreth orës 17:30 dhe 19:00.
Megjithatë, nuk ka gjithmonë tym për secilën nga katër votat. Në votimet e para në mëngjes dhe pasdite, ka vetëm tym të bardhë nëse zgjidhet një papë i ri.
Për zgjedhjen e Papës Romak, kërkohen të paktën 2/3 e votave. Në rastin konkret do të nevojiten 89 vota për të zgjedhur Papën, pasi numri i kardinalëve e zgjedhës është 133.
Të mërkurën në mbrëmje, tym i zi u ngrit nga oxhaku i Kapelës Sistine, duke sinjalizuar se kardinalët që u mblodhën në konklavë nuk rriten konsensus.
Mijëra njerëz u mblodhën në Sheshin e Shën Pjetrit për të pritur rezultatin e votimit të parë, i cili zgjati rreth tre orë.
Discussion about this post