Papa Francesku ka bërë një vizitë në ishullin Lesbos, një vendqëndrim emigrantësh, ku nuk i ka kursyer kritikat ndaj autoriteteve greke për qëndrimin që mban ndaj emigrantëve. Ndërsa theksoi se ky është një ngërç që po përkeqësohet, Papa e ka quajtur neglizhencën ndaj tyre si “fundosjen e civilizimet”.
Papa e ka ngritur shpesh temën e emigrantëve dhe vizita e tij në kampin e Lesbos vjen pas një thirrje të fortë që ai i lëshoi Europës, duke e cilësuar kontinentin si të përçarë nga egoizmi nacionalist. “Në Europë ka nga ata që ngulin këmbë se ky problem nuk i takon atyre” tha ai.
Në ditën e tij të dytë të vizitës në Greqi, Papa takoi fëmijë të azilantëve që qëndronin pas hekurave dhe ndaloi të përshëndeste një djalë të quajtur Mustafa. Më pas, u mblodhën për t’i kënduar psalme dhe këngë të parit të Kishës Katolike.
Papa Françesku paralajmëroi se Mesdheu po bëhet një pllakë e mermertë varri, pa gurët e saj sipër dhe se pas gjithë kësaj kohe shohim se bota ka ndryshua shumë pak lidhur me çështjen e emigracionit. Ai u shpreh se duhej përballur me problemin dhe jo me njerëzit e varfër, të cilat paguajnë pasojat dhe shpesh përdoren për propagandë politike.
Discussion about this post