Papa Leo ka kritikuar ashpër politikat të Donald Trump për imigracionin, duke vënë në pikëpyetje nëse ato ishin në përputhje me mësimet pro-jetë të kishës katolike.
“Dikush që thotë se jam kundër abortit, por jam dakord me trajtimin çnjerëzor të emigrantëve në Shtetet e Bashkuara, nuk e di nëse kjo është pro-jetë”, u tha Papa gazetarëve.
Qëndrimi i kishës katolike se jeta është e shenjtë që nga ngjizja deri në vdekjen natyrore është një nga mësimet më të forta të besimit fetar prej 1.4 miliardë anëtarësh. The Guardian raportoi se Shtëpia e Bardhë ka thënë se Trump u zgjodh bazuar në premtimet e tij të shumta, duke përfshirë deportimet masive, të cilat janë bërë një çështje e përçarjes së ashpër politike midis votuesve amerikanë.
Leo u pyet në lidhje me një vendim të kryedioqezës së Çikagos për t’i dhënë një çmim Dick Durbin, një senator demokrat i Illinois i cili mbështeti të drejtat e abortit.
“Është shumë e rëndësishme të shqyrtohet puna e përgjithshme që ka bërë senatori.E kuptoj vështirësinë dhe tensionet, por mendoj, siç kam folur edhe vetë në të kaluarën, është e rëndësishme të shqyrtohen shumë çështje që lidhen me atë që është mësimdhënia e kishës”, tha ai.
Papa tha se dikush që thotë se jam kundër abortit, por thotë se jam në favor të dënimit me vdekje nuk është në të vërtetë pro jetës.
Discussion about this post