Papa: Të jesh homoseksual nuk është krim

“Të jesh homoseksual nuk është krim”, tha Papa Françesku në një intervistë për Associated Press.

Papa theksoi se Zoti i do të gjithë fëmijët e tij ashtu siç janë dhe u bëri thirrje peshkopëve katolikë të mirëpresin personat LGBTQ në Kishë, duke kujtuar se është e nevojshme të bëhet dallimi midis një krimi dhe një mëkati.

“Nuk është krim. Po, por është mëkat. Në rregull, por së pari le të bëjmë dallimin mes mëkatit dhe krimit. Është gjithashtu mëkat të mungojë dashuria ndaj njëri-tjetrit”.

Papa Françesku përmendi Katekizmin e Kishës Katolike për të thënë se homoseksualët duhen mirëpritur dhe respektuar dhe nuk duhet të margjinalizohen apo diskriminohen.

“Ne jemi të gjithë fëmijë të Zotit dhe Zoti na do ashtu siç jemi dhe për forcën që secili prej nesh lufton për dinjitetin tonë”.