Papa Françesku mesnatën e të shtunës mbajti Meshën e Pashkëve, e cila zgjati me shumë se 2 orësh në Bazilikën e Shën Pjetrit, një nga shërbesat më të gjata në liturgjinë katolike, mes shqetësimeve të ripërtërira për gjendjen e shëndetësore të 87-vjeçarit.
Françesku u bëri thirrje besimtarëve të gëzohen pavarësisht krizave politike apo shqetësimeve personale dhe globale.
Konkretisht, ai përmendi pamëshirshmërinë e urrejtjes dhe mizorinë e luftës, të cilat thyejnë mallin për paqen botërore, por edhe egoizmin dhe indiferencën.
Rreth 6,000 njerëz morën pjesë në festën për të përkujtuar ringjalljen e Jezu Krishtit në Bazilikën e Shën Pjetrit.
“Pashka e Krishtit, forca e Zotit: është fitorja e jetës mbi vdekjen, ngadhënjimi i dritës mbi errësirën, rilindja e shpresës ndër rrënojat e dështimit. Është Zoti, Hyji i të pamundurës, që e rrokullisi përgjithmonë gurin dhe nisi të hapë varret tona, që shpresa të mos ketë fund. Kah Ai, pra, edhe ne duhet t’i naltojmë sytë tanë”.
Jezusi është Pashka jonë, Ai që na bën të kalojmë nga errësira në dritë… Le të ripërtërijmë ‘po’-në tonë ndaj Tij dhe asnjë gur nuk do të jetë në gjendje të mbyt zemrën tonë, asnjë varr nuk do të jetë në gjendje të mbyllë gëzimin e të jetuarit, asnjë dështim nuk do të jetë në gjendje të na çojë në dëshpërim” – tha mes të tjerash Papa Françesku.
Discussion about this post