Masat e ndërmarra në Shqipëri pas përhapjes së pandemisë covid-19 janë marrë nga qeveria pa u bazuar në të dhënat statistikore të rasteve ditore dhe numrit të fataliteteve. Sot kur në vend rastet ditore janë dhe fatalitetet janë në rënie vijojnë të jenë në fuqi masat parandaluese ku karantina nis në orën 23:00.
Rastet ditore në tre ditët e fundit janë ditën e djeshme 428 persona të infektuar, të premten 441 dhe të enjten 495 persona. Edhe numri i fataliteteve ka ardhur në rënie duke shënuar 3 viktima një ditë më parë.
E kundërta e masave të ndërmarra ndodh në Greqi, ku ndonëse rastet ditore të infektimeve janë mbi 300 mijë dhe numri i personave që humbin jetën mbi 40 në ditë, nuk ka në fuqi masa kufizuese dhe karantinim të qytetarëve.
Paradoksi vijon vetëm në Shqipëri ku masat kufizuese kanë vënë në vështirësi bizneset duke i detyruar të ulin qepenat në orën 23:00. Sakaq organizime të ndryshme politike, apo festive ku tubuhen qindra qytetarë zhvillohen pa u ndaluar në asnjë moment nga instancat përkatëse.
