Asamblea Kombëtare e PS zhvilloi një mbledhje online pasditen e së mërkurës, ku janë diskutuar çështje të organizimit, por edhe anëtarësisë së kësaj partie. Sipas raportimeve, Kryeministri Edi Rama ka shprehur kritika të forta në drejtim të anëtarëve fiktivë apo jo aktivë që degët e PS-së raportojnë.
Paradoksi qëndron se listën për numrin e anëtarëve fiktivë e kryeson Vlora, atje ku kreu socialist është zgjedhur deputet dhe ku drejtues politik Qarku është Blendi Klosi, Sekretar i Përgjithshëm i PS.
Sipas Top Channel, në mbledhjen e Asamblesë Edi Rama lëshoi një breshëri me kritika në formë ultimative për të ndryshuar situatën.
Nga analiza e të dhënave Vlora rezulton si qyteti me numrin më të lartë të anëtarëve jo aktiv apo fiktiv. Për këtë Edi Rama i ka kërkuar deputetëve të këtij qarku të përveshim mëngët e të sjellin një anëtarësi reale, raporton TCH.
“Kjo situatë është alarmante. Duhet të marri fund“- citohet të ketë thënë Edi Rama.
Discussion about this post