Kryeministri Edi Rama duket se ka paralajmëruar se procesi zgjedhor i 11 Majit, mund të kthehet një ‘masakër’ elektorale nga patronazhistët.
Duke iu përgjigjur një komenti në rubrikën “Sy m’ Sy”, Rama tha se “patronazhistët” e PS-së janë në “super formë këtë vit” dhe se u pëlqen shumë kjo punë dhe janë qeliza të PS.
Më tej kreu i PS ironizoi me fjalët se mos t’i ngacmojnë patronazhistët, se motivohen më shumë.
Me pak fjalë skuadra e propagandës, marketingut dhe ‘përgjimit’ së qytetarëve ka nisur.
“Patronazhistët i kemi në super formë këtë vit. Patronazhimin e kemi ngritur në nivel tjetër. U kam thënë atyre që i shajnë, mos i ngacmoni se motivohen më shumë. Janë ambiciozë të mëdhenj dhe janë shumë të fokusuar te kjo punë. U pëlqen shumë kjo punë dhe janë qeliza të PS. Kush nuk është në PS nuk u vë faj që nuk e kuptoni”, u shpreh ai.
Discussion about this post