Akademiku Artan Fuga paralajmëron se në shtator mund të kemi një aleancë mes Kryeministrit Edi Rama dhe ish-kreut demokrat Lulzim Basha.
Fuga e bazon parashikimin te retorika që përdorin si Rama ashtu edhe Basha. Dhe në këtë kuadër Fuga kujton deklaratat e Ramës që flet “përtej të majtës e të djathtës” apo opozitarizmin e Bashës që nuk prek me kritikat e tij qeverinë.
“Parashikimi im për shtatorin është aleanca Rama-Basha. Shikoj një ligjërim të Ramës kur thotë duhet të kalojmë përtej së majtës, flet për një projekt të ri që kalon PS. Unë mendoj që nën shembullin gjerman dhe ndonjë tjetër nga vendet nordike, unë shoh që në kokën e tij ose nuk ka asnjë projekt, ose po hapet ndaj një aleance. Basha ka interes ta bëjë.
Basha bën një retorikë opozitare, por jo kundër qeverisë. Ajo që ndjej te Basha janë dy gjëra. Në kritikat e tij qeveria nuk preket. Shikoj një interes. Basha e ka të vështirë ta ndërtojë partinë nga poshtë lartë. Ka një mundësi ta krijojë nga lart-poshtë.
Nëse futet në koalicion do marrë disa ministri, drejtori dhe më pas do rigjenerojë një elektorat për të shkuar në 2025 me këtë kapital elektoral dhe politik”, tha akademiku për A2 News.
Discussion about this post