Kryeministri Edi Rama ka reaguar për përplasjet brenda shtëpisë së tij politike mes Erion Braçes dhe Taulant Ballës. Për të dalë nga situata e pakëndshme, Rama tha se Braçe është institucion dhe mund të thotë çfarë i do zemra.
Kjo ishte përgjigja e kreut të qeverisë pas interesit të gazetarëve për akuzat e Braçes në drejtim të kryetarit të grupit parlamentar të PS-së Taulant Balla, se ky i fundit urdhëroi rrëzimin e amendamentit të tij për bujqit.
“Është institucion në PS dhe është në të drejtën e tij që të thotë çfarë i do e bardha zemër se e ka zemrën e bardhë. Ua kam thënë edhe kolegëve tuaj që para se të flisni për Erion Braçen hani një lugë mjaltë”, tha Rama.
Kujtojmë se Braçe prej disa kohësh është kthyer në zërin më kritik mes socialistëve duke dalë hapur kundër qëndrimeve të qeverisë për çështje të caktuara, aq sa ka pranuar dhe njëherë tjetër se është momenti që të kërkojë një punë të re.
Lexo edhe: “Lajm i rremë”, Rama për 6 dhjetorin: Nuk është ditë pushimi
Discussion about this post