Tërmetet e fundit që kanë goditur Greqinë kanë shkaktuar panik te banorët, ndërsa një tjetër goditje akoma më e fuqishme pritet që në orët në vijim të godasë zonën e Tebës, ku jetojnë një numër i konsiderueshëm shqiptarësh.
Sizmologët janë në gjendje alarmi nga të dhënat ku tërmeti i fundit me magnitudë 4.3 ballë i 10 prillit, ndodhi 24 orë pas tërmetit 3.9 ballë, ndërkohë që një tërmet i kësaj magnitude ishte regjistruar edhe në 11 korrik. Kjo ka sjellë shqetësim të madh për banorët të cilëve u lëvizi toka nën këmbë por edhe për zhurmën e frikshme që shoqëron disa nga lëkundjet.
Drejtori i Kërkimeve Sizmologjike në Institutin Gjeodinamik të Observatorit Kombëtar të Athinës, Gerasimos Papadopoulos , duke studiuar morinë e të dhënave që vijnë nga sizmiciteti në Tebë , shpjegon treguesit që zbulojnë karakteristikat e një tërmeti që mund të ndodhë.
“Probabiliteti është domethënës për një tërmet më të fortë në rajon, analog me 6.2 Rihter që kishte goditur Tebin në 1892, pas një aktiviteti të ngjashëm paratërmetesh prej 17 muajsh,” shprehet Papadopoulos.
Duke vëzhguar epiqendrat e tërmeteve në zonë, ai pozicionohet edhe për sa i përket magnitudës së një tërmeti të mundshëm më të fortë që pritet të rrisë panikun në zonë.
Discussion about this post