Ish-deputeti i Partisë Demokratike, Belind Këlliçi ka paralajmëruar zhvillime të tjera sa i përket skandalit të inceneratorëve.
Në një intervistë me Merita Haklaj në A2 CNN, Këlliçi bëri me dije se ka depozituar në SPAK një dosje të re, me mbi 600 faqe që ka detaje specifike se si kjo kompani, për inceneratorin e Tiranës ka mashtruar që në fillimet e saj.
Ndërkohë, ka njoftuar se një tjetër dosje me mbi 1000 faqe, që përfshinë kontrata, llogari bankare dhe jo vetëm, do të dorëzohet në ditët në vijim.
“Në emër të grupit të ekspertëve, kam depozituar një dosje 635 faqe me detaje specifike se si në atë dosje faktohet që kontrata fillestare dhe letra e porosisë dhe çfarë ka depozituar kompania fillimisht ka qenë mashtrim dhe është një dëm që ndodh çdo ditë.
Po ta garantoj që ia kemi bërë punën edhe më të lehtë SPAK, duke ia nënvizuar dhe shkeljet, i kemi depozituar dhe do depozitoj dhe mbi 1000 faqe, kontrata, llogari bankare, aferë që ka nisur në Elbasan, ka shkuar në Fier ka vijuar në Tiranë, shkon në Zimbabve, në Zvicër, në Milano, në Vjenë ku ndodhet Mirel Mërtiri, dhe kemi të bëjmë me aferën e shekullit dhe kjo vjedhje nuk mund të bëhet me disa zyrtarë në bashki, është vetë kryeministri, që ndërroi strategjinë mjedisore nga landfilli te incenerimi”, u shpreh Këlliçi në A2 CNN.
Belind Këlliçi thotë se për sa kohë SPAK nuk ka vënë nën hetim Edi Ramën dhe Erion Veliajn, është tregues se ky institucion i ri i drejtësisë ka dështuar.
“SPAK është dështim te inceneratorët, Alqi Bllako, Arben Ahmetaj, janë të papërfillshëm në raport me arkitektët, pronarët dhe përfituesit real, 17 vendime qeverie brenda ditën, nuk i kalon asnjëri, që të vidhen 430 mln euro, nuk i vjedh dot një deputet, janë të përfshirë Rama dhe Veliaj, nuk ka mundësi që për të njëjtën shkresë, SPAK, vepron me regji, ka dështuar”, u shpreh Këlliçi.
Discussion about this post